shabu shabu 鍋

今日放半晝, 去完 hku 幫 bunbun 交 cert, 之後就坐好得人驚既 970 去旺角攞信用卡迎新禮物, 呢間銀行都幾 ... 慳 ... 自己做埋禮物換領, 但係又只得旺角呢一度, 咁咪麻煩行多兩步, 過一過海 law. 原來都幾大盒幾重吓, 好彩近巴士站, 坐 118 好快就返到屋企, 如果唔係, 自己去攞, 都真係幾笨.

返到屋企拆開一睇, 又發覺自己真係幾笨, 剩係打開望吓個蓋有冇爛, 冇留意個機身 -- 次貨呀, 算啦, 唔想攞去換 ... ... 睇唔到就唔礙眼.

十蚊店

老豆個新雪櫃終於係今朝送到, 執好抺好(係呀, 有潔癖要抺過洗過先安樂, 其實又唔係我用, 自己攞黎辛苦!), 阿妹就差唔多放工, 等佢返黎搞咗陣雪櫃, 再坐多陣吹吹水, 就出發去飲茶, 不過間酒樓真係好唔掂 - black list!

飲完茶無無聊聊又拉阿妹陪我去十蚊店逛街買野, 仲有個黑色的細垃圾桶 + 黃色刮刀, 係老豆屋企冇影到相.

d 菇菇係唔係好得意呢? 不過冇買到呀, 係用黎袋暖包架, 天氣暖返咁多, 用唔著 lu

石磨坊

bunbun 好夜先收工, 買糖水返來做宵夜

話時話個糊都幾難食

最窮星期五

大象信用咭, 10% 回贈, 上限每星期 $100

今次係萬寧買咗五佰幾蚊呀 - 最窮星期五!

床單

bunbun 買給他爸爸的
己經洗乾淨摺好

新 keyboard

終於可以換咗個壞壞地既 keyboard, 仲要係新架, 唔係喺"垃圾堆"執返黎, 有成吋厚既塵同 "凳" 得出一堆垃圾既 "用得既" keyboard.

waffle 機

Waffle / Grill  二合一

用恆生積分換的, 搵日試吓新玩具先

超軟熟無撚系毛巾

收工同阿妹去咗 jusco, 睇吓雪櫃有冇減價, 結果係一d折都冇, 逛吓逛吓買咗呢條毛巾俾老豆, 因為超鬆軟, 超軟熟.

雖然好似講粗口

情人節禮物

今日 bunbun 係公司樓下等我, 接我放工呀 :)

sweet sweet

仲預先送咗情人節禮物俾我 tim, 不過我 ... ... 我未諗到買乜喎 > <'

阿鴻小吃 2

bunbun 話想食, 食到一半先記得影相. 個醉香鴨舌, 質感太 ... 太嫩掛, 我唔識形容, 我第二條食到一半就食唔落, 有恐怖既感覺 -- 最衰麻辣鴨舌賣哂. 至於個海哲拼墨魚, 得豆腐叫做好d, 雖然唔入味但好滑, 海哲就有沙, 墨魚無味兼好"淋", 質感又係好奇怪呀.

超級過期貨

行完 jusco, 買完牙刷, 差不多返到屋企, 居然電話響, 係老豆打黎, 話個雪櫃好似壞咗, 唉, 壞雪櫃啫, 語氣唔駛咁緊張呀, 仲口窒窒講到唔清唔楚, 嚇死我, 以為有乜事tim.

其實, 個雪櫃用咗十幾年, 都係時候退役, 過兩日同阿妹去睇吓幾多錢先.

呢支 baby champagne 係個壞雪櫃度搵到, 看到沒有? 過期十年有多呀 ... ...

電動牙刷

hsbc + jusco 既最紅星期五
買咗百靈牌 9500 電動牙刷 $698
1 人 1 支 牙刷頭, 兩份用

麻布茶坊

今晚bunbun 居然記得要同我去 jusco 買電動牙刷, 雖然遲咗d, 成九點九先去到, 不過算啦, 好過晚晚冇 12 點 / 1 點 / 2 點 都冇得放工.

jusco 地下個層, 得返呢間仲有得食, 就試吓喇.

bun 的: 辛味雞肉庵列烏龍麵 ($59.8)
我的: 壽喜牛肉熱鍋定食 ($68.8)
再加一

之後bunbun仲係 marion crepes 買咗一個crepe 食, 睇真d, 原來都係 麻布茶坊 開架, 又會咁啱.