無聊記事: August 2008

Sunday, August 31, 2008

餐包仔 5

今次用 200c 焗, 冇上次 250c 咁燶, 不過好似燶 d 好食 d 喎, 會唔會係焗的時間唔多夠呢?

Monday, August 25, 2008

辣蟹莊

	今晚同 lolo 撐枱腳, 叫咗個海鮮二人餐 ($438), 好好味, 好味到上最後嗰碟蟹先記得影相, 因為對手同把口都好忙. 不過好奇怪碟娃娃菜居然有渣, 但係娃娃菜應該係嫩口架!
<= 上枱時嘅樣	<= 經過我同 lolo 蟹件重組後
	食飽之後 lolo 仲送咗件禮物俾我, 多謝哂!

十點幾同 lolo 分手後, 就搵埋啱啱收工, 過黎銅鑼灣接我嘅 bunbun, 係 sogo 等吓等吓車, 有人突然提議去食糖水, 於是 bunbun 帶住超級飽嘅我去滿記, 今次我哋兩個都叫咗芒果黑糯米白雪黎食.

Sunday, August 24, 2008

20080824 午餐 - 煎蛋福字麵

啲炸蝦爆油爆到超恐怖, 爐頭/牆壁全都是大大小小的油點, 當然我的臉和手臂都遭殃, 好彩好幾處油爆因為沖水沖得快冇事, 結果只有一小點的水泡, 真係好好彩喇. 不過抺廚房就真係抺咗好耐 ... ...

Saturday, August 23, 2008

朱古力杏仁曲奇

上個星期係材料舖買咗包杏仁片, 今日終於鼓起勇氣開工, 因為係第一次整呢種雪硬再切片嘅曲奇, 好怕會太甜/唔好味/唔脆, 好彩係好好味架, 朱古力味都算幾濃郁, 仲好酥脆添.

餐包仔 4

又是 270g 麵粉 + 30g 麥粉
今次質感最好, 放到星期一做午餐都仲好似剛出爐咁

Friday, August 22, 2008

Thursday, August 21, 2008

Wednesday, August 20, 2008

20080820 晚餐 - 沙津

bunbun 繼續星期三游夜水, 今次有記得搭地鐵, 食飯時仲有時間/心情睇奧運籃球 (美國 vs 澳洲).

是日晚餐:-
生果沙津 + 炸燶咖哩角 (12件)

(牛油果 / 蘋果 / 西瓜 / 桃 / 菠蘿 / 烚蛋 / 蝦 / 雞胸肉 )

Monday, August 18, 2008

因為高筋麵粉差不多用完, 冇得整麵包, 加上芝士/忌廉都食哂, 於是放工走咗去灣仔入返啲材料.

高筋麵粉 1kg (台灣 $12 /日本 $15 各一包)
有鹽牛油 227g ($12)
Elle&Vire 淡忌廉 1 Lite ($44)
Galbani Mascarpone ($73, 之前買開 Mauri $65, 依家加到同樣價錢, 所以今次試吓買 Galbani)
手指餅 400g ($20)
杏仁片 150g ($18)

一共兩袋材料, 都幾重呀, 返到屋企身水身汗 --唔知會唔會瘦咗買嘅人, 肥咗食嘅呢?

之前 bunbun 話等埋佢食飯, 結果等到八點半過後, 九點鐘黎緊, 先有得食, 好彩一早諗定食蘭州拉麵, 如果唔係就真係要超晏先食飯. 我地叫咗小籠包 / 雞絲粉皮 / 排骨擔擔麵(加辣) / 回鍋肉炒年糕, 食到超級飽.

食完飯之後諗住去超市買盒豆腐, 返屋企煮飯盒, 結果去咗惠康, 買咗兩大包熱浪 / 兩盒急凍咖哩角 / 一支乳酪 / 兩盒豆腐 -- 全部都係 bunbun 俾錢. 終於返到屋企, 有人話要按摩推油喎, 於是我用極速煮飯炒餸, 裝飯盒, 洗碗, 收拾完廚房, 就去攞毛巾舖床, 一切搞定剛好十一點, 果然超速!

Sunday, August 17, 2008

餐包仔 3

深夜 ~~變肥的過程~~ 一件多士的誕生
過程當然重要, 結果也很重要呀

下次還是早點睡吧, 睡了就不會肚餓喇.

20080817 晚餐 - 沙津

好大盤的沙津, 因為懶得拿個大碟, 所以疊得超高.
牛油果 / 火龍果 / 蘋果 / 桃 / 菠蘿 / 粟米 / 西生菜 / 雞胸肉

20080817 午餐 - 沙津

本來 bunbun 話要去買 toppings 外賣, 不過打完個電話 -- 果然係冇開門嘅 (以為人地細舖換大舖, 會多開一日, 星期日唔休息喎). 於是我就話不如食沙津啦, 食完 bunbun 又走去游水 lu.

Friday, August 15, 2008

20080815 晚餐 - 沙津 & Tiramisu 5

bunbun 話想九點左右去游水, 咁晚餐就食簡單嘅 - 沙津. 我放咗工係上環生果舖買牛油果, 然後去百佳買生菜, 點知成間超市得兩個爛嘅, 算啦, 行返轉頭去搭地鐵囉. 前幾日 bunbun 話想食三文魚魚生, 於是我早一個站係天后落車, 去"隨你鍾意", 買盒三文魚 + 香芒炸蝦卷. 趁住等壽司嘅空檔, 走去惠康睇吓有冇生菜賣, 連附近嘅高級(貴價)菜檔都睇過, 點知都係空手而回. 之後行返去攞壽司, 經過舊式菜檔, 算啦, 買個本地生菜仲靚! 至於啲蘋果, 就係喺返屋企途中買嘅, 12蚊一份.

返到屋企, 洗洗切切, 開罐罐頭桃同菠蘿, 玩埋層層疊, 點解 bunbun 仲未返? 等呀等呀, 原來係塞緊車, 星期五想快, 都係搭地鐵好啲.

結果 bunbun 要九點多少少先出門口, 而我就開工做 t , 快快手整完, 攞一盒俾阿妹, 諗住早去早回, 點知一出門口就走 lift, 落到樓下, 行到去閘門口, 先發覺己經鎖上, 無法啦, 惟有行另一邊門, 一轉彎就看到游完水返緊黎嘅 bunbun -- 於是 bunbun 就陪我返老豆度送外賣甜品(Tiramisu)喇.