我塊面

話說平安夜果日, 阿妹陪咗我去睇醫生, 因為我塊面生咗好多粒粒, 成個禮拜都唔好, 又唔紅唔痕唔痛, 都唔知生乜, 左下邊面開始生, 到下巴, 再到右邊面少少. 我睇開果個醫生好似唔憂做咁, 冇開呀, 於是去睇阿妹睇開果個, 點知又放咗假, 得個替工, 本來唔想睇, 點知個護士誤會咗, 印好張單俾我簽名, 算啦, 之後先發現原來係黃綠醫生, 佢開
bromelain 口服 + hydrocortisone 1% 外搽 (2 times daily for 1 week)

藥 我冇食, 只係搽藥膏, 本來都唔想搽, 因為 d 粒粒好似謝咗, 只剩粗糙既粒粒硬面. 唔知點解都係搽咗 -- 24/12 夜晚搽咗一次, 25/12 早上又搽咗一次, 26/12 早上又搽咗一次, 因為好似生番又嚴重咗, 但係搽完又覺得唔妥, 即刻抺走洗埋面. 認真 search 吓, 好似係 類固醇 (但係個 黃綠醫生 冇講, 只係話搽一個禮拜, 再返黎睇), 之後就唔敢再搽, 因為粒粒範圍大咗, 左邊面開始痕同紅, 到 28/12 就成日都又紅又痕又痛, 仲有乾爭爭的感覺 -- 我用凍水洗面後就只是印少少 baby oil.

我係唔係中咗 d 副作用呀? -- 灼痛、搔癢、紅疹、乾燥 -- help!!! 我本來係唔紅唔痕唔痛架, 頂 ...

http://www.derchk.org/modules/wfsection/article.php?articleid=1036

藥理:
外用的皮質類固醇具有抗發炎、抗搔癢、血管收縮及抗增生作用 用途: 緩解發炎或搔癢性的皮膚病：如尿布性皮膚炎、接觸性皮膚炎、異位性皮膚炎 (atopic eczema)、乾癬(psoriasis)、青少年型的足底皮膚病 (Juvenile plantar dermatosis)、脂漏性皮膚炎和口周邊濕疹等

常見副作用:
局部：灼痛、搔癢、紅疹、乾燥、毛囊炎、多毛症、粉刺狀疹、色素過低、口周圍皮膚炎、過敏性接觸皮膚炎、手指麻木感、皮膚刺痛或龜裂、續發性感染、皮膚萎縮。若使用敷布覆蓋，這些症狀可能更常發生