今朝八點正, 樓上師傅就開始動工, 嘩, 駛唔駛咁準時呀! 又嘈又無得瞓, 好慘呀!
行咗出樓下大門, 都係忍唔住走返轉頭問吓個管理員阿姐, 知唔知點解樓上裝修, 係唔係漏水之類既特別理由, 好彩唔係. 之後我同佢講, 星期六樓上師傅拆地板好似拆樓咁, 我地到夜晚打開個假天花先知個真天花搞成咁, 唔知關唔關樓上事, 阿姐話都關架, 咁就叫咗佢同事幫我地影相, 再同樓上反映喎. 而呢幾張相係 bunbun 影既, 結果我地今日一齊遲返工, 我返到公司都成十點喇, 不過我有打俾老細講返聲, 費時玩失蹤吖嘛.
夜晚返到屋企, 張床/張枱/地板 都有灰呀, 應該係响天花震落黎, 點算呀, 晚晚掃地事小, 個天花 d 批盪/石屎 會唔會好似廁所咁, 跌落黎架!?
No comments:
Post a Comment