無聊記事: June 2009

Sunday, June 28, 2009

北海道自由行 - 阿寒湖

係民宿桐放低行李, 本來打算趕搭觀光船遊阿寒湖, 點知趕唔到, 於是改為黃昏湖邊散步.

晚餐係便利店食個快既, 趕住參加晚上既節目 ...

... 火把遊行, 我地遲咗到, 好彩有工作人員把手上的火把遞給 bunbun, 一起加入隊伍.

終點係呢度, 附近有好多手信店

愛奴民族手工藝紀念品

<28/6/2009>

今朝一早起身, 坐噚日坐唔到既觀光船. 從阿寒湖畔出發, 全程大概 1 小時,中途會停靠在湖上某座小島, 參觀綠藻球展示中心.

就係呢個島

展示中心內的綠藻球

Saturday, June 27, 2009

北海道自由行 - Day 1 東京至釧路

坐內陸機從東京 -> 釧路空港

轉巴士到北海道第一站 - 阿寒湖

自動售票機

阿寒湖的黃昏

膽粗粗住民宿 - 民宿桐
基本上是用 body language, 手指指溝通, 估估吓.

私人溫泉浴 (男女分開, 呢個係女浴)

日式榻榻米, 自己舖, 亂來舖.

北海道自由行 - Day 1 東京亂亂行

一早(五點幾)係東京落機, 要等晏晝轉機去北海道釧路, 仲有幾個鐘頭點好呢? 搭車去築地市場食早餐啦!

本來想去食既兩間舖頭都因為太多人排隊而無得食, 結果幫趁咗下面呢間, 唔 ... ... 有 d 搵笨, 唔係幾新鮮呀!

呢度係一小半的人龍, 邊有可能食得到呀!

食完可以再食, 一人一碗海鮮飯, 超新鮮.
實情係一路食, 一路頂到上心口

鰹魚碎的真身, 刨之前就長這個樣子

係有 d 趕既情況下, 搭車返機場轉機去北海道, 點知貪快得慢 -- 意料之外既事, 往往就在意想不到的時候發生

至於隻鞋係點樣跌落 JR 路軌, 要直接問問當事人先知, 不過詭異的是, 點解會有條毛巾墊底呢? or 呢個上落車門成日有人跌野? anyway, 鞋主話要趕飛機, 無時間執, 堅持著住一隻鞋直接去機場, 去到先買 -- 吓! are you serious?!! 結果, 係我既堅持下, 請車站服務員幫手夾返隻鞋 (其實過程就好快, 不過我係月台搵唔到服務員, 要落返大堂個票務處先有), 繼續行程. 咦? 好似未開始北海道之旅喎! 唔通真係好事多磨?

Friday, June 26, 2009

北海道自由行 - 出發啦

今次都係搭夜機, 01:30 起飛, check-in 完依家係度等緊上機, 得我一個坐係 gate 15, bunbun 去左買野飲, 順便行街街, 而我就因為好攰, 唔想行, 冇同佢去. 點解咁攰? 我今朝九點零幾分就俾人個鬧鐘嘈醒, 鬧鐘個主人堅持唔係佢較既, 咁算點呀! 佢自己就訓到 12 點幾先起身, 有冇搞錯! 佢梗係唔攰啦, 但係我訓得四個幾鐘咋, 依家好眼訓呀, 幾時先夠鐘上機?

終於都起飛喇, 好準時冇 delay 呀!

北海道自由行 - 準備出發

今日又係放無薪假, 但係心情超好, 因為今晚就要出發去北海道喇 -- 雖然我連行李都未執, 仲係到 upload 相 + 寫 blog, 不過, 哈哈哈!!!

好緊張呀, 唔知自由行會唔會搞到流落街頭? 唔識日文又點溝通? 去玩, 去咗先算啦, 諗咁多做乜呀! 快 d 去執行李啦!

Thursday, June 25, 2009

泰好味

唔記得第幾次幫襯, 好有水準既泰菜

豬頸肉沙津 / 炸蝦餅 / 海南雞飯

Saturday, June 20, 2009

好 hea 既美心快餐

求求其其食得就算? 應該睇得出係公司三文治

Wednesday, June 17, 2009

越南仔

牛油雞翼

Tuesday, June 16, 2009

小城之味 3

又食 bunbun 最愛的小籠包
口水雞
擔擔麵

呢間味道幾好, 價錢又唔貴, 近近地都好方便

Monday, June 15, 2009

大戶屋

近排多咗去街, 今晚又有事去鰂魚涌, 搞完就約埋 bunbun 去豬豬島食晚飯 -- 我今次一定要試呢間 -- 大戶屋, 因為我要食"飯"呀!

我本來想叫豬扒飯定食, 但係 bunbun 見到有滑蛋飯, 就咗呢款 ... ... 不過, 佢之後又叫埋滑蛋豬扒鍋 -- 自己鍾意食滑蛋, 都唔駛兩個都叫架, 我想食"白飯" 配豬扒呀! 皆因我從來都唔太愛多汁既飯呀, 我認我係怪人 -- 我食燒味飯要走汁/少汁, 薑蓉就一點點都不要 -- 我對撈飯既汁有好高既要求.