近排多咗去街, 今晚又有事去鰂魚涌, 搞完就約埋 bunbun 去豬豬島食晚飯 -- 我今次一定要試呢間 -- 大戶屋, 因為我要食"飯"呀!
我本來想叫豬扒飯定食, 但係 bunbun 見到有滑蛋飯, 就咗呢款 ... ... 不過, 佢之後又叫埋滑蛋豬扒鍋 -- 自己鍾意食滑蛋, 都唔駛兩個都叫架, 我想食"白飯" 配豬扒呀! 皆因我從來都唔太愛多汁既飯呀, 我認我係怪人 -- 我食燒味飯要走汁/少汁, 薑蓉就一點點都不要 -- 我對撈飯既汁有好高既要求.
而唔愛白飯, 食親飯都要係有味飯或撈汁(勁多汁)飯既 bunbun 就叫咗凍蕎麥麵
d 飯真係好好味, 我食剩 d 我完全接受唔到既 -- 生蛋白, 生蛋黃我愛, 但生蛋白, 我真係好怕食, 好驚呀!
No comments:
Post a Comment