八八八日本北海道拉麵

醬油拉麵 + 豬扒


豬骨濃湯叉燒拉麵






燒魷魚







8:40到, 已經好攰, 仲要排住隊等位, 等咗差唔多半個鐘先有位, 拉麵好味, 湯底夠濃. 服務一般, 有個都幾粗魯嘅 waitress , 係落完單, 諗住將個menu插係枱邊嘅"座"時, 居然可以用個過咗膠嘅menu 角打到我眉頭, 差啲打到眼, 雖然我有閃開, 但都係避唔過, 痛到 ... ... 又紅又腫. 之後都應該係同一位姐姐 (因為我冇睇到佢個樣, 只係認得把聲) , 行過撞到我個人呀我張櫈呀, 明知地方淺窄就應該小心啲啦.

行程緊湊食物一流 - 銅鑼灣一日遊

四點多到銅鑼灣廣場的UCC食 late lunch, 之後到 Times Square, 行咗 zara, 又係 fcuk 試衫試褲, 再去馬莎睇裇衫同呔. 然後離開 Times 去 G2000 試褲, 但係size唔啱而啲 staff 又奇奇怪怪, 加上啲呔嘅款麻麻地(有啲仲超肉酸)又厚, 咁都要$200. 算啦, 都係返轉頭, 去馬莎買咗兩件裇衫一條呔(之前揀咗兩條, 不過結果買嘅係另外一條).





裇衫$189/$179 | 呔 $250 | 鞋$699









跟住就行去皇室堡睇 mac 機, 究竟買 20 定 24 呢? 我仲好白痴咁整響咗個 alarm, 不過話時話部 air 真係好薄(而個sharp係流線型), 唔怪得 steve 拎住個公文袋(唔係風琴果隻喎)出黎時陰陰咀咁笑啦.






逛完電腦場, bunbun就帶我去食飯, 經過恒隆中心, 抬頭一看, 嘩, 滿天肥皂泡







食完拉麵就去 sogo 睇鞋, 拎埋啲戰利品返屋企已經係十一點幾喇.

UCC Coffee Shop

以為食 tea, 點知好似晚飯咁, 兩款都好好味


墨魚汁本菇意粉






炸蝦咖哩飯


碳燒咖啡

蜜桃千層餅

個份量用26cm pan 煎到十一塊, 煎咗多過半個鐘, 又熱又燙.

之後用放涼的時間將罐罐頭桃切片, 打植脂忌廉 (Danica 甜忌廉, 原來甜度剛好, 淡淡的), 再組合.





















以前整的芒果千層餅, 夾的是加糖的淡忌廉

麵軒

bunbun本來話要開OT, 同唔到我食飯, 咁我就返老豆度食晚飯law. 點知八點未夠打黎, 話隔一陣就走得, 但係返到北角都8:50, 好彩我叫佢諗定食乜, 於是就去咗食麵軒.


由於我食咗飯, 所以叫嘅係大概一人分量:-
御品牛肉麵 / 細炸半邊雞翼(3 pieces) / 細炸豆腐 / 凍珍珠朱古力咖啡







原來離開老豆屋企時, 瀨低咗把遮, 阿妹打過幾次電話我都聽唔到, 差唔多行到麵軒先知. 結果食完飯走返老豆度攞, 順便切埋剩返果1/4個西瓜俾bunbun食 (費時話成半個西瓜食唔哂), 點知順便切到手指尾, 真係無啦啦多條"疤".

蚊之殺傷力

這個問題要蚊之愛人去回答
我這個蚊之殺手無法想像小小的一隻蚊, 竟然能夠令體重近160的男人變得竭斯底里.
我只知殺手今早又殺了一隻

兇器: 拖鞋
案發現場: 洗手間洗手盤左方抺手布對下接近地板的牆壁磁磚上
殘骸尚在上述案發地點 -- 留待蚊之愛人處置

突然好想買電器

bunbun 要的:
吸塵機

我要的:
榨汁機
電熱水煲
迷你電飯煲
食物調理器(百靈/philips or?)

Home alone 20080529

今晚又係得我一個人食飯, 仲要係冇同到我講 ... ...

係公司有麻x煩嘅嘢搞, 就嚟放工先講, 又講到含含糊糊, 模稜兩可, 都唔知要做定唔要做. 都算喇, 但係出面d人又奇奇怪怪, 究竟點解依家啲人覆email 態度咁差, 係英文唔得, 定係個人嘅服務態度有問題, 可以咁rough, 咁無禮貌, 我地係客嚟架.
結果搞到八點幾先走, 又攰又餓, 求其煮個辛辣麵食就算.

bunbun搞到差不多十點先走, 買埋嘢食(福建炒飯+西瓜西米露)返嚟, 都成十點半喇.

Home alone 20080528

bunbun 今晚又要開OT, 搞到差唔多十點先返, 仲要未食飯 -- 結果又係食外賣麥記
而噚晚就十點九先返到屋企, 沖完涼嗱嗱臨開機洗裇衫, 點知都係搞到點幾兩點先有得瞓, 點解? 事關有人 (a) 唔識用洗衣機 or (b) 冇帶個腦/心 or (c) 其他原因 (請自述)
總之 ... 洗衣機剩係擰咗個開關, 係唔會自動進入洗衣程序架, 雖然盞燈會著, 但係 ...

20080526 晚餐 - 小棠菜飯

bunbun 點嘅

小棠菜飯
焗雞翼(11隻)
蝦仁豆腐煲

20080525 晚餐 - 雜菜煲

小唐菜仔/西生菜/椰菜花/南瓜
黑椒牛丸/魚蛋/芝士腸/蘑菇腸

麥包 (12% 麥粉)

昨天早上做的

今次用了淡奶加水代替鮮奶
增加了麥粉的比例, 用了35g
yeast減半, 只用了半茶匙
增加了發酵時間

應該因為增加了麥粉, 麵包的體積明顯減少, 但一樣鬆軟, 隔天亦濕潤鬆軟

20080524 晚餐 - 雜菜煲

又到每個weekend的減肥晚餐

小唐菜仔/椰菜/西生菜/椰菜花/南瓜/鮮冬菇
油豆腐/黑椒牛丸/魚蛋/芝士腸/自製豬肉丸

Toppings 2

上次bunbun係Topping買完外賣, 順手攞咗張menu, 睇到原來有burger賣, 試過佢地嘅熱狗, 覺得唔錯既bunbun 決定搵日試埋d burger -- 於是今日lunch就係:-

. 牛肉burger
. 炸薯條
. 炸美式粟米熱狗棒



食完飯hea一陣, 三點幾四點 bunbun 又去游水喇. 持續個個禮拜游兩次水, 話要運動減肥喎.

mcd dinner takeaway

我以為 bunbun 又要開OT開到好夜, 於是七點度打個電話俾佢問吓, 話我自己食飯就得 -- 我又係煮個辛辣麵做晚餐, 唔知幾時會食厭呢? 結果 bunbun 九點未到就返, 買咗麥仔做dinner, 但係點解個份量好似預埋我個份既? 有: 豆子將軍漢堡加大餐 / 雞翼四隻 / 綠茶紅豆新地

蘭州拉麵 n+1

bunbun話想食蘭州拉麵, 放工落咗車係屋企樓下接埋我一齊行去, 兩個人叫咗:-

小籠包 (皮薄有湯汁, 係bunbun嘅至愛, 必食之選)
雞絲粉皮
醉雞
排骨拉麵
一杯豆漿

佢地仲好好咁送咗兩件宮廷桂花糕俾我地食

20080520 晚餐 - 牛肉烏冬

bunbun 係 gtalk 同我講可以返屋企食飯, 我梗係開心啦, 於是問佢想食乜, 俾個 category 嚟, 結果係 -- 烏冬, 梗係冇問題啦.

bun的: 壽喜燒汁牛肉烏冬
我的: 辛辣麵

20080519 晚餐

蕃茄薯仔紅蘿蔔瘦肉湯
洋蔥烚蛋炆一字排骨
茄汁菠蘿炒蝦仁






由七點半搞到差不多九點先開飯, 仲要出動埋個電磁爐(用張凳仔係廚房建), 辛苦得黎好唔值呀! d炆排骨得個甜字兼好硬, 個蝦仁調味有d奇怪, 唔知係唔係雞粉作怪, 算啦, 好彩bunbun冇投訴, 仲話d湯好味, 唉, 還好有菠蘿, 洋蔥同烚蛋佢送飯, 如果唔係真係搞到變咗冇餸飯.

煲湯飲完剩返好多湯渣, 我唔想浪費食物, 於是將d薯仔紅蘿蔔同瘦肉(蕃茄煲溶哂), 通通倒落個炆汁度滾吓, 夾返出來, 加d白飯, 就係我之後兩日的午餐.

20080518 晚餐 - 雜菜煲

西生菜/椰菜/椰菜花/粟米粒
墨魚丸/黑椒牛丸/魚蛋/芝士腸

減肥餐again
飯後果: 西瓜

麥包 (8%麥粉)

又係俾人地個鬧鐘嘈醒, 睇咗陣電視, 十一點幾先開工做麵包, 今次唔包饀, 整麥包(8%麥粉), 一共9 個, 等d包出爐做午餐, 等到差不多三點, 餓到我吖!

好快咁食咗三個, 好軟好好味, 見仲未飽, 就煮咗碗忌廉湯 -- 好滿足呀! 至於bunbun, 我已經係較早時候煮咗個福字麵佢食. 食飽飯話早d去游水, 點解會變咗午睡? 結果咪又係四點度先出去!

20080517 晚餐 - 雜菜煲

西生菜/唐生菜/小唐菜/椰菜花
墨魚丸/黑椒牛丸/魚蛋/芝士腸

減肥餐
飯後果: 西瓜

Toppings 1

見今日幾熱, 諗住去游水既bunbun為咗個lunch而煩惱, 我就remind佢想試既Topping -- 於是佢去買外賣, 而我就是旦煮個麵食.
點知食完冇耐, 見到bunbun攞住好大袋外賣返黎, 原來買咗:-
. 熱狗一大隻
. 炸薯角
. 洋蔥圈

結果我好似食多次lunch咁, 每樣試d, 夠哂熱, 不過洋蔥圈味道較淡(個脆漿冇乜調味), 附既dip味道亦淡, 唔酸唔鹹唔甜, 奶奶地既蛋黃醬咁.

食完飯抖一陣, bunbun就照原定計劃去游水喇.

滿記甜品

bunbun 請我去食滿記甜品
我又叫咗芒果黑糯米白雪
bunbun就食白雪黑珍珠
今次唔記得影相tim

20080514 晚餐 - 菜飯

bunbun 好勁交咗功課, 今晚可以返屋企食飯
放工去百佳諗住買小棠菜煮菜飯, 點知買唔到, 雖然終於見到有一底(20/30隻)雞蛋賣, 但又大排長龍, 加上bunbun打俾我話已經離開公司, 所以乜都冇買就急急腳走去惠康買餸, 放棄咗d雞蛋 -- 雞蛋你要等我, 我聽晚放工就會去買你地架喇.

小棠菜飯
蝦仁炒蛋
洋蔥本菇炒牛肉

有味飯

因為有人不愛白飯愛有味飯, 而我只識煮小棠菜飯及炒飯, 所以決定做d資料搜集
鮮冬菇雞肉飯
北菇滑雞飯
雜菌豬肉(薄片)飯
排骨煲仔菜飯

煮意

炆花膠冬菇雞翼(放蠔油/豉油/鹽/雞粉/紹酒炆)
冬菇紅棗臘腸蒸滑雞

沙爹金菇肥牛煲
草菇冬菇蝦仁豆腐煲 (布包豆腐炸好, 用蠔油炆)

XO醬蛋餃煲
魚香茄子煲

西芹鮮冬菇炒蝦仁
XO醬蜜豆粟米芯炒蝦仁
沙爹豬柳(蒜蓉起鑊, 洋蔥舖底)
洋蔥炒勝瓜雲耳
翠肉瓜冬菇雲耳炒肉片

冬瓜炆豆腐卜釀肉
瑤柱節瓜炆肉丸
獅子頭

20080513 晚餐 - 牛肉烏冬

bunbun話要返屋企食飯, 點名要牛肉烏冬
唔駛開OT喎, 幾難得呀, 雖然比原定時間遲咗近一個鐘, 不過都在我預算之內, 唔緊要啦.

先用壽喜燒汁煮好牛肉, 再煮日本海菜和烏冬, 加埋煎蛋及粟米就食得.

20080512 晚餐 - 炒飯

之前的兩天假期都是陰陰涼涼的, bunbun 終於盼到今天放晴, 陽光普照 -- 可以去游水喇!

放完連續三天假, 明天又要返工喇, 簡簡單單在家吃飯



菠蘿腸仔蝦炒飯
雞翼十隻
涼拌椰菜
味噌湯(即沖)





因為怕飲剩的清酒會走哂味, 臨瞓前bunbun就將餘下的飲完, 而我都飲咗少少

mos burger

三天假期的第二天, bunbun 話要去太古城行街買衫買零食, 結果係 Uniqlo 買咗三件 tee (一件印花純棉 & 兩件通爽料), 之後去咗G2000諗住買恤衫, 去到先知做緊母親節promotion, 買兩件有extra八折, 點之揀好顏色揀好款又試啱, 想要嗰個色又冇size, 算啦, 第日再買過law.

然後就去 Apita 買零食, 但係我又走咗去睇煲煲罉罉先, 結果未買零食先買咗(唉, 又買咗)個用得電磁爐既易潔鑊仔(24cm $99). bunbun俾完錢, 我地就攞埋個鑊去買零食, 買咗雪米餅, 米餅同清酒, 因為清酒有得試飲, 易揀 d 吖嘛. 唔經唔覺差不多九點, 仲未食飯war, 既然黎到Apita, 梗係要食吓八爪魚丸la, 佢地d綠茶都好好飲架!


呌夠就出發lu, 去康怡嗰邊既 mos burger 食晚飯, 試咗個餐 -- 薑燒豬肉米漢堡+炸雞+汽水, 個米漢堡唔單止細過bunbun個拳頭, 亦都細過我嗰個, 唔緊要la, 反正我都唔肚餓, 但係個味道有d怪, 聞起上黎好似腥腥騷騷咁, 好似薑蔥炒豬潤/雞潤咁上下味. 至於個炸雞, 雖然有d地方比較鹹, 但係味道好好, 好熱, 咬落仲有汁湧出黎, 好 juicy.


哈哈, 今日行程係未完架, 仲要去 jusco 買送酒既零食, 去到先知裝修緊, 個supermarket 得返好少位, 想買的買唔到, 結果買返上次買果款雜豆, 同埋煮餸用既 -- 壽喜燒汁, 日式燒肉汁, 麵包糠, 終於可以返屋企, 好攰呀.

20080511 午餐

煎蛋雞肉蝦粉絲

芝士火腿包

九點幾俾人地個鬧鐘嘈醒(但係人地結果瞓到一點幾), 想整麵包又太早, 睇咗一陣漫畫, 十點幾才開工. 麵團一半包了芝士火腿餡, 一半原味. 因為放了50g牛油, 需要的發酵時間比較長. 等到三點幾先出爐, 好肚餓咁食咗差不多半條, 而bunbun就係我威逼下食咗一片有餡的. 味道不錯, 好軟熟, 淡淡的帶點牛油香味.

究竟要點樣才可以將 nokia 既電放入 sony ericsson 既手機? 長方型點樣可以放進正方型容器內? 仲要長方型係大過正方型喎?

又到星期五 (bread/cake list)

明天又有假放喇, 五天工作真好, 不過最好就梗係唔駛做啦 ... ...
諗吓weekend整d乜蛋糕/甜品/麵包先? 一定要買到雞蛋, 再睇吓d芒果靚唔靚

有好多都想整:-

芒果/peach 千層餅
焗芝士蛋糕
chocolate muffin with chocolate chips
牛油蛋糕
瑞士卷

芝士火腿包
麥包

仍是好眼瞓

繼續好勤力咁開 OT, 仍是開到十點幾 -- 我繼續夜瞓, 繼續好眼瞓, 好Q眼瞓呀!

今晚bunbun會去食預祝母親節飯, 唔知幾點返呢?

我放工照原定計劃去街市, 出咗地鐵站打俾阿妹, 叫我買盒齋. 拎住盒齋去街市, 見到買開野間東南亞舖頭開咗新分店, 於是入去買咗罐蝦麵醬. 之後係凍肉舖入面, 看到我想買的牛奶只剩下四盒, 雖然我本來打算買三盒, 不過, 有理冇理, 掃哂先. 好Q重呀, 唔去雜貨舖買淡奶喇, 直接回爸爸家食飯.

繼續好眼瞓

噚日好勤力開 OT 開到十點幾, 連帶我都夜瞓, 今日繼續好眼瞓.

放工又去百佳同惠康睇吓有冇一底(30隻)雞蛋賣, 點知都係冇, 睇吓d淡奶/牛奶/煉奶幾多錢, 嘩, 貴到吖, 心諗不如去舊式街市凍肉舖/雜貨舖買, 但係因為超眼瞓, 都係決定返屋企, 明天搭多個站地鐵去買, 可以行少d路. 於是想整蛋糕冇雞蛋, 想整麵包冇牛奶.

bunbun唔返黎同我食飯, 我自己煮咗個辛辣麵食就算la.

Linux command

find file
> find -size +500000k (>500M)
> find -size -500000k (<500m)
> find -name '*.sql'

list all directory
> ls -d */

Disk usage (in terms of harddisk / partition)
> df -h

Disk usage (in terms of file / directory)
> du -hs /root /usr/local

好眼瞓

噚晚無啦啦落大雨, 今日又風和日麗, 天氣真係高深莫測
雖然我都想早d睇result (undelete mpg), 但係, 都唔駛六點唔夠, 就"打"醒我架 ... ... 要瞓返係個幾鐘頭後既事, 依家好眼瞓超眼瞓

仁寶小館

一行三人到仁寶小館食晚飯, 至於味道如何, 阿妹話ok, bunbun我未問

叫咗四個餸
風沙雞 (熟咗d)
椒鹽鮮魷 (好鹹, no good)
豉椒炒蜆 (阿妹以為係蜆仔, 點知係大蜆, 好un)
xo醬果仁牛柳粒 (好味, 雖然牛柳有d硬, 但係原味, 無鬆肉粉之類的怪味)

我好想戒黑口黑面呀, 點樣先可以心情好d, 對人和善d呀? please 唔好搞莫名其妙好嗎?

Recover deleted files @DC

妹妹剛來電問知不知如何救回已刪除的相機影片 -- 她朋友真烏龍, 之後仲繼續拍片, 越寫得多, 越難 ... ...
電腦檔案我都勉強知, 但相機我就真係 ... ... 於是搵 google 幫吓手

freeware
http://www.recuva.com/ (唔得, 乜都掃唔到)
http://www.cgsecurity.org/wiki/PhotoRec

special edition
http://www.filerecoverytools.com/download/index.asp

後記:
部相機半個鐘就冇電, 我又冇card reader, 又要係sony機 (memory stick 呀大佬), 好彩醒目的bunbun話有sony -- 手機, 先可以繼續掃
可惜掃咗成晚, PhotoRec search 唔到mpg, 只係undelete到d舊相 <-- 有乜用呀

10 種 食 物 令 人 快 樂

剛剛看到蘋果日報 -

食 物 可 以 提 升 情 緒 ， 澳 洲 的 營 養 學 專 家 建 議 10 種 可 改 善 抑 鬱 的 食 物 ， 包 括 菠 蘿 、 香 蕉 、 菠 菜 、 豆 腐 、 蘆 筍 、 向 日 葵 花 子 、 茅 屋 芝 士 （ Cottage cheese ） 芝 士 、 綠 豆 、 龍 蝦 及 火 雞 ， 因 這 10 種 食 物 含 豐 富 色 胺 基 酸 （ tryptophan ） ， 有 助 腦 部 製 造 令 人 快 樂 的 血 清 素 （ serotonin ） ， 專 家 指 身 體 其 實 不 懂 自 行 製 造 足 夠 的 色 胺 基 酸 ， 若 未 能 從 食 物 中 適 量 攝 取 ， 便 會 因 血 清 素 不 足 引 發 抑 鬱 及 焦 慮 等 情 緒 失 調 症 狀。 (source)

20080504 晚餐 - 雜菜煲

椰菜/西生菜/油麥菜/娃娃菜
墨魚丸/黑椒牛丸/魚蛋/火腿

減肥餐again
飯後果: 西瓜

Home alone 20080503

差不多八點, 電話都冇個, 我都預咗要自己食飯, 於是打電話問一聲
結果十一點幾先返到屋企, 都有打俾我, 算啦
之後好快咁就消滅咗一碗Tiramisu

Tiramisu 3

今日bunbun去香港仔幫人解決電腦問題, 十二點幾就出門口了. 成日問我幾時整Tiramisu, 咁就今日啦 -- 現在已經在雪櫃了, 唔知幾時返黎消滅佢呢?

芝士粟米腸仔包

今日五一勞動節放假, 三點幾打了份麵團, 打算做明天的午餐. 當我包剩兩個時, bunbun走咗入廚房, 無厘頭手舞足蹈 -- 就係咁, 打到個焗盤, 飛咗四個落地, 又考我EQ! 唔好鬧我啦 ... ... 我有乜可能會唔發火唔鬧人吖! 最多我自己食返law, 梗係la唔係搵邊個食呀.
到6:45, bunbun話肚餓, 我地又叫外賣食. 食緊一半d麵包夠鐘入爐, 結果掛住食飯, 唔記得較返低個爐溫, 變咗非洲黎既, 仲嘔哂d芝士出黎, 唉, today is not my day.