八八八日本北海道拉麵 4

bunbun 話放工去銅鑼灣食飯, 我就早少少去攞信用咭送既環保袋. 之後就去咗逛 sogo, bunbun 收工打俾我, 約係八八八日本北海道拉麵度等 (本來我話去等位先, bunbun 話唔駛喎, 於是我就逛多陣), 結果我地等咗七/八個字先有位, 企到腳仔軟.
今次食: -
. 醬油牛油粟米拉麵 + 吉列豬扒
. 味噌拉麵

食飽飽, bunbun 話要去行街街消費, 第一站係 Uniqlo, 點知已經換咗季, 冇哂短袖衫, 試褲又試唔啱, 結果只係買咗把 黑色縮骨遮 ($49), 仲要係逛埋 無印良品 (嘩! $1xx 把), 格完價比較完貨, 先返轉頭買架. 買完都差唔多十一點, 冇街行喇, 惟有返屋企啦.