由落機到過關, 半個鐘頭都唔駛就搞定, 全程不用排任何隊, 路路暢通, 通行無阻呀!去到巴士站, 等咗十分鐘左右就有得上車, 往我地的 sweet home 出發, 雖然架車超殘舊, 但無損我地歸家的興奮心情. 正當我地好開心咁談論, 返家放低行李後往那處吃飯時, 竟然下起雨來, 仲越下越大, oh no! 我要返屋企呀, 要去食小籠包擔擔麵呀! 我唔肯聽從 bunbun 既建議, 先在灣仔(維景酒店門口喎!)下車, 改坐的士返屋企, 放低行李拿把大傘再出門. 而結果係, 我地係銅鑼灣(糖街附近, DNMall 斜對面)下車, 見d雨稍為細咗, 於是把心一橫, 決定去食拉麵 -- 就係咁, 兩個人兩個大背包, 打著一把小小的縮骨遮, 行十分鐘, 行到差不多到銅鑼灣廣場, 為的就是兩碗拉麵.
可能因為係 cebu 冇一餐好食, 可能好肚餓, 可能有比較, 返黎覺得食物平靚正 -- 於是我地比平時多叫一碟炸物 -- 結果就係食唔哂!
平時會幫我食一部份拉麵既 bunbun, 因為忙於 ko 碗超辛辣拉麵同埋碟炸雞, 就無暇理會我 ... ... 碗拉麵, 嘥哂 d 野食喇.
點解無啦啦 bunbun 會試超辛辣拉麵, 而唔係平時叫開既牛油粟米拉麵? 因為係 cebu 幾日都冇食過"辣", 吊癮喎!
話時話呢餐真係好好味
No comments:
Post a Comment