宿霧之旅 - Day 2 Resort 玩水

玩水前影返張白雪雪相先

已經搽好太陽油, 做足準備















14:00 陽光, 我地黎喇


用張毛巾券領條大毛巾先













攬住條大毛巾, 揸係手又 tee 又褲又裙又相機, 唔, 都係返房放低先, 順便攞返條鎖匙鎖好門. 好野, 第一次著住泳衣四圍走, 真係豁哂出去喇.

我係湖度玩咗一陣就上水, 攤係樹蔭底下既椅上, 吹吓吹吓風, 舒服到差點就瞓著. bunbun 就一個人繼續玩, 玩之餘仲記得買個冰凍 coconut 孝敬我, 係咪好體貼呢?






之後 bunbun 租咗隻艇 (揀咗隻藍色既, 租半個鐘), 係對面岸划過來接我一齊玩, 嘩, 原來划艇好好玩架, 吹住風, 划得越快越好玩呀!


跟住我地周圍行, 行去沙灘睇吓, 點知就出事喇 ... ...









16:45 左右, 我係碼頭行落梯級, 踩咗入水, bunbun 又跟住我踩入水, 我話有相機就好了, bunbun 就話咁快 d 返去攞, 點知轉身行的時候, 拖鞋跣腳, bunbun 心急著返, 動作大了點, 就跣低咗 -- 整親手同 pat pat, 隻手流好多血, 嚇死我呀.

然後 bunbun 小心翼翼執返隻拖鞋, 行上沙灘搵人幫手. 好快就碰到個 staff, 佢幫我地 call 個護士黎幫 bunbun 洗傷口消消毒, 等咗一陣先見到護士踩住單車過黎(車頭個籃仲掛住個紅色十字). 之後每日要換兩次藥, 只需要打電話同 front desk 講, 護士就會上門幫忙, 係免費架.