發燒

Friday night 與bunbun到灣仔取交通銀行信用咭送的依瑪牌電磁爐, 之後有人話好肚餓, 但灣仔又唔熟路, 唯有[覓]食law. 於是二人沿著莊士敦道往銅鑼灣方向前進尋覓, 真的是行行重行行, 由修頓球場走到過了大有商場, 只得寥寥可數的幾間食肆, 天呀, 難道要走到銅鑼灣? 怕有人會餓親, 我已經不住好聲問要食什麼, 每次得到的答案是:不知. 過了大有商場, 我終於耐性用完(畢竟我不是溫柔的人, 而偽裝亦從來不能持久) -- 冷冷的大聲的說: 你究竟在找什麼舖頭食飯, 再走就快要到銅鑼灣, 都同你講這條街冇乜野食, 又唔信, 又要搵, 問你想食乜, 又話唔知, 唔知搵乜, 點搵呀! 粥粉麵飯是但一樣, 想食乜搭車去銅鑼灣又得, 返北角食又得, 依家漫無目的點呀! -- 咁食大快活law -- 其實佢肚餓, 我緊張d乜呢? 仲要俾人話惡, 鬧人, 唉, 我知我 EQ 低 ... ...
於是過了馬路, 但結果, 走到一間粥店門前停了下來, 呢間好唔好呀? 好(其實食乜都好)! 坐低一看menu, oh -- 一碗30蚊起, 我要了牛肉粥($30), bunbun要了艇仔粥($48), 唔駛我俾錢, 我都肉痛.
至於發燒, 那天我頭痛了一整天, 到了晚上好像更嚴重, 食完飯回到家, 便攤了上床, 但頭痛又令我不能入睡, 之後更發起燒來, 全身熱熱的但又一滴汗也沒有, 還要蓋著被才不覺得冷, 而整個人就是痛. 過了好一會, 才記起有感冒沖劑, 於是叫bunbun沖給我, 喝完一會, 開始有汗流, 但身體仍是很痛, 忍著痛起身洗了面抺了汗再上床, 才能慢慢入睡. 中藥真的不錯, 不會像西藥那樣越吃越虛弱, 越辛苦, 跟本無力對抗病痛.