睇樓

放工後到七姊妹道, 看了個二百多呎的單位 -- 發展商起樓應該只是為了錢吧!
本來去年九/十月bunbun 跟我說想買樓, 拖著拖著便過了cny, 好像三月(?)才開始睇樓. 發覺貴了很多, 升了超過三成 -- 仲買唔買好呢? 這句說話常常掛在口邊, bb亦擔心自己帶賽的命運會... ... 始終買樓用到的是7-8倍的比率及十多二十年的責任. 市況逆轉會如何? 守還是不守? 經濟會不會因為"人地"的次按而轉差? 份工安唔安定? 真的有好多東西要考慮.

話時話, 羊群心理真的很難理解, 早兩三年, d港島市區樓, 細單位, 吽住吽住係三千零蚊呎, 大可以慢慢挑, 慢慢選. 都唔好講到沙士之後那一兩年咁遠, 真係2千零蚊呎都冇人要. 舊年年頭都仲係正常買賣, 業主開價買家還價, 傾吓傾吓, 啱咪成交law. 到了年尾, 聽到新聞才知道, 買樓要用搶的, 手快有手慢冇. 有業主邊賣邊反價, 反完又反, 反足幾次(10%?20%?30%), 賠訂加價再賣再反價, 或者索性封盤唔賣住都有. 究竟係經濟太好, 還是怕唔追價就買唔到, 97年都好似係咁喎 ... ... 不過當時利息高 (P+x >10%), 而家利息超低 (P-x <3%).

晚飯:
肚餓的bb決定買雞蛋仔+格餅做點心, 睇完樓之後再去想晚飯往哪裡吃. 結果在大家都唔肚餓的情況下, 去了食豬扒麵, 店家用的是新鮮豬扒, 兩餸亦只是賣$27, 雖然便宜味道也不錯.