戰利品

今日食完飯, 就出咗去行街, 行吓行吓, 諗起不如去樓上燕窩莊睇吓啲 花旗參有冇減價, 去到舖頭門口時, 望到斜對面間凍肉舖, 就諗住不如去逛吓, 睇吓有乜野買, 結果俾我發現有拉麵賣, 係平時買開果隻烏冬嗰牌子, 於是就即刻買咗一包拉麵($9) + 一大包蟹柳($15).

之後行返去樓上燕窩莊, 哈哈, 終於俾我等到佢減價, 加拿大花旗參片(大片) 一樽 四兩 ($42), 我買咗四樽(嘩! 有 1 斤喎!) + 圓肉 1 斤 ($40).

包 cookies ($19.9) 係上個禮拜五係百佳買嘅, 今日放工就一口氣將佢地攞哂返屋企, 仲要攞埋把長遮, 好辛苦好重呀, 又試搵自己笨喇, 豬頭炳.