bunbun 放工約咗我 7:30 係銅鑼灣等, 話要 shopping 喎, 但係結果買咗 mac 仔就打道回府, 因為我係旁邊扮魔鬼, 叫bunbun唔好等第二日送貨, 不如即刻落街搭的士 -- 點知遇到個唔知做乜嘅司機, 唔知係真唔識路定係生意難做要兜路, 係糖街轉咗去柏寧酒店, 行告士打道去百德新街, 經過記利佐治街皇室堡(!!!咁駛乜托住 2x 公斤去糖街!!!), 出返高士威道去電器道, 兜個圏唔緊要, 係明知塞車都要兜就有啲問題, 結果個錶跳到25/6蚊都仲未兜返去皇室堡, 嘥人時間吖嘛, 我心急返去拆人地件玩具呀! ... 要搬開舊嘅 -> 抺枱 -> 拆箱 -> 組合 ... 執完仲要食飯喎, 時間緊湊呀!
結果九點幾先去天后食飯, 一排冇去, 好似bunbun 講咁, 多咗好多新舖頭, 但係我唔想試新野(驚會影響心情), 所以去食平時食開嘅越南粉 -- 大生牛河 + 春捲撈檬,
阿 mac 係唔係好靚仔呢? bunbun 玩到唔捨得瞓呀!
No comments:
Post a Comment